TJA, DBP û DEM Partiyê li Nisêbînê civîna gel pêk anî. Di civînê de dimenê Rêberê Gelê Kurd Abdullah Ocalan û hevalên wî yên li Girtîgeha Îmraliyê yê ku di 9ê Tîrmehê de bi raya giştî re hatibû parvekirin hat temaşekirin.
Di pêşengiya TJA, DBP, DEM Partiyê de li gelek bajarên Kurdistanê civînên gel tên lidarxistin. Civîn bi navê “Civînên Aştî û Civaka Demokratîk” pêk tên. Di çarçoveya van civînan de li taxa Aştiyê ya navçeya Nisêbînê ya Mêrdînê jî civîna gel hat lidarxistin. Di civînê de dîmenê Rêberê GelêKurd Abdullah Ocalan û dîmenê Koma Aştî û Civaka Demokratîk a merasîma şewitandina çekan hat temeşekirin. Gel eleqeyek mezin nîşanî dîmenan da. Di civînan de zêdebûna jin, ciwan, dayik, zarok, kal û pîran bal kişand ser xwe. Dîwanê di civînê de pêvajoya dawî bi beşdaran re parvekir. Dîwanê bal kişand ser perspektifa Rêberê Gelê KurdAbdullah Ocalan û peywirên dikeve li ser milê gel, jin û ciwanan.
‘Em her dem li pey Serokê xwe ne’
Beşdarên civînê jî di derheq pêvajoya Aştî û CivakaDemokratîk de fikir û nêrînên xwe parve kirin û gotin: “Têkiliyên gelê Kurd li dijî hêzên hegemonîk ên ku dixwazin xwe li hemû Rojhilata Navîn serwer bikin, di çerçoveya vê banga dîrokî de girîng in. Divê em banga Aştî û Civaka Demokratîk baş fêm bikin. Ji bo ku em bikaribin pêwistiyên vê bangê pêk bînin divê em paradîgmaya Rêber Apo jiyanî bikin. Ji bo vê jî pêwistî bi xwe perwerdekirinê, bi akademiyan heye. Pêwîstî bi xurtkirina bingeha siyaseta demokratîk heye. Em wekî gele Kurd her dem li pey Serokê xwe ne.”
