Girtîgeha Evînê ya li Tahranê ku gelek girtiyên siyasî yên Kurd jî têde têne ragirtin, bû armanca êrişên balafirên şer yên Îsraîlê.
Li gorî nûçeya RojNewsê; hat zanîn ku çavkaniyên xwecihî yên li herêmê ragihandine balafirên şer ên Îsraîlê bi şev Girtîgeha Evîn ya li Tahranê ku girtiyên siyasî têde têne ragirtin, bomberbaran kiriye.
Dengê teqînên mezin hate bihîstin û dûman ji girtîgehê bilind bû.
Li gorî dîmenên hatine belavkirin, tê dîtin ku girtîgeha Evîn hatiye bomebaran kirin. Li gorî hinek agahiyan tê gotin girtîgeh di 18ê Hezîranê de hatiye bombebaran kirin. Lê derbarê dîroka êrişê de agahiyek zelal nehate wergirtin.
Piştî êrişî rayedarên girtîgehê, çûyîn û hatina nava girtîgehê girtin û gelek ambulans sewqî girtîgehê kirin.
Hêjayî gotinê ye li nav girtîgehê gelek siyasetmedar, rojnamevan, çalakvanên mafên mirovan û welatiyên biyanî tên ragirtin.
Derbarê bûyerê de heya niha ji rayedarên Îranê ti daxuyaniyek nehatiye, Îsarîlê jî êrişê pitşrast nekiriye.
