Derya Polat têkildarî dosyaya Rojîn Kabaîş de got, “Dosya terkî bêdengiyê kirin. Wek her cînayeta jinekê di vê de jî lêpirsînek bi bandor nehat meşandin û delîl hatin reşkirin.”
Platforma Jinan a Antalyayê der barê xwendekara zanîngeha Yuzuncu Yil a Wanê Rojîn Kabaîş ya 27’ê îlonê de winda bû û biguman jiyan xwe ji dest da, li Qada Attalos daxuyanî da. Daxuyanî ji aliyê Derya Polat ve hat xwendin.
Derya Polat da zanîn ku dixwazin dosya Rojînê di tariyê de bihêlin û got: “27 rojan otopsî nehat kirin. Şopên derbê di raporê de cih negiritn û li ser bedena wê du DNA’yên cuda hatin dîtin. Tevî vê hewl didin di bin navê întîxarê de dosyayê bigirin. Lêpirsînek bi bandor nemeşandin. Dosya terkî bêdengiyê kirin. Wek her cînayeta jinekê di vê de jî lêpirsînek bi bandor nehat meşandin û delîl hatin reşkirin. Gumanbar hatin veşartin.Em jin wê bi piştevaniya xwe rêxistinbûna jinan mezin bikin û edaletê pêk bînin Em ê ji bo azadiya jinê têkoşîna xwe mezin bikin.”
