Gelê Durzî ku demeke dirêj e di bin êrişên Hikûmeta Demkî ya Şamê de ye têkoşîna mafên xwe didomîne. Bi deh hezaran kes îro jî li Sûweydayê daketin kolanan û daxwaza mafê çarenûsê kirin.
Di ser têkçûna rejîma Baasê de salek derbas bû û Hikûmeta Demkî ya Sûriyeyê jî salek îktidarê li paş xwe hîşt. Ligel hemû bangawaziyên rêyên çareseriyê jî Hikûmeta Demkî mafên kêmarên çandî, neteweyî û olî qebûl neke. Wekî gelê Kurd û cudahiyên herêmê gelê Durzî jî ev saleke di bin metirsiya komkujiyan de doza mafê çarenûsê dike.
‘Mafê çarenûsê jêveneger e’
Îro bi deh hezaran Durzî car din bi heman daxwazê daketin qadan. Girseya mezin a li Qada Bajar a Sûweydayê kom bû, alên Durziyan vekirin. Girseya ji qadên bajar ên cuda meşiyan Qada Bajêr bi slogan û dowîzan daxwazên xwe anîn ziman. Di meşê de bi taybetî pankart û dowîzên li ser, “Mafê Çarenûsê ji bo Sûweydayê jêveneger e” hatin vekirin û heman daxwaz bi sloganan hatin gotin.
