Enqere – Endamê Komîsyonê yê Koma Yenîyolê Mehmet Emîn Erkmen diyar kir ku grûba wan ji bo çûyina Komîsyonê ya hevdîtina bi Rêberê Gelê Kurd Abdullah Ocalan re dê endam neşîne Girava Îmraliyê.
Endamên Komîsyona Demokrasî-Xwîşk-Biratî û Hevgirtina Milî dê hefteya pêşiya me biçin Girava Îmraliyê û bi Rêberê Gelê Kurd Abdullah Ocalan re hevdîtinê pêk bînin. Dihat çaverêkirin ku Grûba Yenîyolê jî endamekî xwe li gel DEM Partî, MHPê, AKPê bişîne Girava Îmraliyê.
Îro hate îdiakirin ku Grûba Yenîyolê endamên xwe naşîne Girava Îmraliyê.
Erkmen: Em endam naşînin Îmraliyê
Nûçegihanê ajansa me xwe gihand Parlamenterê Partiya DEVAyê yê Mersînê Mehmet Emîn Erkmen ku endamê Komîsyonê ye. Mehmet Emîn Erkmen li ser navê Grûba Yenîyolê di Komîsyonê de cih digire. Mehmet Emîn Ekmen îdiayê piştrast kir û got ku ew endam naşînin Girava Îmraliyê. Mehmet Emîn Erkmen li ser hinceta neçûnê jî diyar kir ku ew ne guncav e.
Sê partî diçin Îmraliyê
Parlamenterên DEM Partî, MHPê û AKPê ku endamên Komîsyonê dê hefteya pêşiya me biçin Girava Îmraliyê û bi Rêberê Gelê Kurd Abdullah Ocalan re hevdîtinê pêk bînin. Ji DEM Partiyê Serokwekîla Komê Gulistan Kiliç Koçyîgît, ji MHPê Cigirê Serokê Giştî Fetî Yildiz û ji AKPê jî tê payîn Cigirê Serokê Giştî Huseyîn Yayman biçin hevdîtinê.
