Encamên windahiyên mirovî û zirarên madî yên di encama êrişên Îsraîlê de derketine holê tên zelalkirin. Li gorî çavkaniyên fermî yên Îranê, teqînên ku bi taybetî li paytext Tahranê û hin deverên din çêbûn, bûne sedema windahiya can û xesarên girîng ên madî.
Rayedarên Îranê ragihandin ku êrîş bi giranî li derdora baregehên leşkerî û cihên stratejîk pêk hatine. Piştî teqînan, tîmên alîkariya acîl û parastinê ji bo cihên bûyeran hatine şandin. Di nirxandinên yekem de hat diyarkirin ku di encama êrîşan de hem personelên leşkerî û hem jî sivîl jiyana xwe ji dest dane û birîndar bûne. Hate ragihandin ku hêj hejmarên rasteqîn a windahiya mirovîn nehatiye zelalkirin, saziyên têkildar ji bo zelalkirina windaniyan dixebitin.
Wargehên mûşekên balistîk hede hatin girtin
Li gorî agahdariyan di êrîşên Îsraîlê de gelek deverên stratejîk hedef hatine girtin. Hate ragihandin ku teqînên herî giran li paytext Tahranê û derdora wê qewimîn. Li gorî daneyan bi taybetî li hin herêmên leşkerî yên rojhilatê bajêr, navendên lêkolîn û lojîstîk û her weha cihên ku bi bernameya mûşekên balîstîk ve eleqedar hedef hatin girtin. Di nav hedefên navê wan derbasa dibe Kompleksa Leşkerî ya Parçîn ku li başûrê rojhilatê Tahranê ye û her weha herêma hilberîna mûşekan a Khojir jî hene.
Li Îsfahan û Karajê teqîn: Hedef cihên bi nûklerê re eleqedar in
Her weha hate ragihandin ku li bajarê Karajê yê parêzgeha Elburzê yê dikeve rojavayê Tahranê jî bombebaran çêbûye. Li gorî çavkaniyan dibe ku hin tesîsên pîşesazî yên bi sektora parastinê ve girêdayî li vir hedef hatibin girtin. Di hin raporan de tê ragihandin ku li Îsfahanê jî deverên ku bi binyadên nukleerî re eleqedar hetef hatin girtin. Lê heta niha agahdariyên fermî yên li ser asta zirarê nehatine piştrastkirin. Rayedarên her du welatan hîn jî lîsteya temam a armancan bi awayekî fermî belav nekirine û lêkolînên serbixwe didomin.
Şewat derketin, ceryan qut bû, avahî hilweşiyan
Li Tahranê, piştî teqînên tund li hin navçeyan qutbûnên elektrîkê qewimîne. Hate ragihandin ku pencereyên gelek avahiyan şikestin, li hin mal û avahiyan zirarên mezin çêbûne û hin erebeyan jî zirar dîtin. Medyaya herêmî got ku li hin cihên nêzîkî navendên teqînê agir derket û tîmên agirkujiyê heta sibehê li ser kontrolkirina wan xebitîn. Hate destnîşan kirin ku di encama êrişan de hind avahiyên hedef hatine girtin hilweşiyan e.
Nexweşxane di elermê, ambûlans di tevgerê de ne
Wezareta Tenduristiyê ya Îranê ragihand ku nexweşxaneyan rewşa awarte îlan kirine û beşên acîl ji bo qebûlkirina birîndaran hatine amadekirin. Li gorî şahidên bûyerê, piştî teqînan tevgerek mezin a ambûlansan çêbûye û hin rê ji ber sedemên ewlehiyê hatine girtin.
Di ragihandinê de qutbûnek demkî pêk hat
Di warê aborî de jî, hate diyarkirin ku êrîşan bandorek sînordar lê girîng li ser hin binyadên bingehîn hiştine. Di xetên enerjiyê û torên ragihandinê de qutbûnên demkî qewimîne û di hin tesîsên pîşesaziyê de hilberîn bi demkî rawestiyaye. Pisporan dibêjin ku asta rast a zirara aborî hîn nehatiye hesibandin, lê belavbûna nezelaliyê li bazaran hate dîtin.
Îsraîl: Hedefên leşkerî tenê hedef hatin girtin
Li aliyê din Îsraîlê ragihand ku operasyon tenê li dijî hedefên leşkerî pêk hatiye. Lê rayedarên Îranê îdia kirin ku deverên sivîl jî zirar dîtine. Çavdêrên navneteweyî dibêjin ku agahdariyên destpêkê hîn sînordar in û çespandina serbixwe dem dixwazin.
Fikara êrişên nû didome
Pisporan her weha bal kişandin ser bandora psîkolojîk a êrîşan. Li Tahranê hin dibistan û sazîyên fermî ji ber fikarên ewlehiyê bi demkî hatin girtin û di nav gel de tirs û fikarên li ser êrîşên nû zêde bûn.
