Wezîrê Karên Derve yê Fransayê di çarçoveya pêkanîna agirbesta di navbera Îsraîl û Lubnanê de, piştî serdana Lubnanê, dê îro bi rayedarên Îsraîlê re hevdîtinan pêk bîne.
Wezîrê Karên Derve yê Fransayê Jean-Noël Barrot, piştî hevdîtina bi serokên siyasî yên Lubnanê re duh çû Beyrûtê. Wezîr îro jî ji bo serdaneke neplankirî çû Îsraîlê. Dîplomatê herî payebilind ê Fransayê dê bi rayedarên Îsraîlî re li ser ewlehiya herêmî, alîkariya mirovî û hewldanên ji bo kêmkirina pevçûnên li Rojhilata Navîn, hevdîtinan li dar bixe.
Hat diyarkirin ku serdana Wezîr Jean-Noel Barot ya bi rayedarên Îsraîlê re, piştî serdana Beyrudê, bi awayeke ne plankirî dest pê kir. Tê payîn ku beşek ji hewldanên serdanê ji bo mijara kêmkirina aloziyên li herêmê û misogerkirina agirbestekê li Lubnanê be. Di daxuyaniya li ser mijarê de hat ragihandin Jean-Noël Barrot dê bi rayedarên Îsraîlê re li ser mijarên ewlehiya herêmî û alîkariya mirovî, her wiha ji bo kêmkirina pevçûnan li Rojhilata Navîn nîqaşan bike.
Li gorî çavkaniyên nêzîkî mijarê, Îsraîlê heta niha pêşniyara diyaloga rasterast a bi Beyrûtê re red kiriye, û ev yek ji bo bêçekkirina Hizbullahê wek gaveke derengmayî dibîne.
Di encama şerê Îranê de Hizbullahê jî di 2ê Adara 2026an de êrîşî Îsraîlê kiribû, Îsraîlê jî ji wê rojê ve êrişên hewayî û bejahî li dijî Hizbullahê pêk tîne. Serokê Lubnanê Joseph Aoun piştî hevdîtina bi Barrot re duh daxwaza xwe ya destpêkirina danûstandinên rasterast ya bi Îsraîlê re anî ziman.
Wezareta Karên Derve ya Firansayê derbarê serdana Barot ya Îsrîlê de daxuyanî da û di daxuyaniyê de got ku Jean-Noël Barrot dê bi rayedarên Îsraîlê re li ser mijarên ewlehiya herêmî û alîkariya mirovî, her wiha însiyatîfên ji bo kêmkirina pevçûnan li Rojhilata Navîn nîqaş bike.
