Li navçeya Hezexê ya Şirnexê bi sedan kes hatin şîna endamên HPGê Mûrat Karagol û Saît Aydogmûş.
Li navçeya Hezexê ya Şirnexê bi tevlîbûna Berdevka DEM Partiyê Ayseşul Dogan, parlementerên DEM Partiyê yên Şirnex Mehmet Zekî Îrmez û Newroz Ûysal Aslan, rêveber û endamên DEM Partiyê yên herêma Şirnex, endamên MEBYA-DER Şirkex, aktîvîstên TJAyê û gelek welatî hatin şînên endamên HPGê Mûrat Karagol (Yilmaz Şaho) ên ku 16ê Tîrmeha 2019an li Heftanînê jiyana xwe ji dest daye û Mehmet Saît Aydogmuş (Şerko Ahmet) ê di 15ê tîrmeha 2019an li Zapê jiyana xwe ji dest dabûn. Girse li pêş avahiya DEM Partiyê ya Hezex kom bûn û bi diruşmên, ‘Şehîd namirin’ heya taxên Yenîmahalle û Atakentê meşiyan.
Di şîna Aydogmûş a li taxa Yenîmalleyê de Berdevka DEM Partiyê Ayseşul Dogan axivî û got; “Bi saya van cangoriyan em hatine vê astê. Divê ji îro pêde xwîna cangoriyan nerije ser vê axê. Wan jiyanek bi rûmet û aştiyek mayînde dixwest. Em jî soz didin heya jiyanek azad û aştiyek mayînde pêk neînin rawestan tunebe. Ev cangoriyên me yên malbata Kurdan a nezin in. Bila malbata me xwe tenê nehesibîne û sersaxî ji malbata xwe re sersaxî dixwazin.”
Parlementera Şirnex Newroz Ûysal Aslan jî di şîna Karagol a li taxa Atakent de axivî û got; “Her roj agahiya cangoriyan ji me re tê. Ji bo ku êdî agahiyên cangoriyan ji me re neyê û şîn nekeve nava axa me divê em layîqî berxwedana wan bin. Em sersaxiyê ji gelê Kurd û malbata xwe re dixwazin.”
Birayê Karagol, Omer Karagol jî got ku ew ê heya dawiyê li pey şopa şehîdên xwe bin û sersaxî ji tevahiya gelê Kurd rw xwest.
Serdana şîna bi xwendina duayan bi dawî bû.
