Bi deh hezaran gelê Serhetê ku ji bajarên Colemêrg, Bêdlis, Mûş, Agirî û Qersê hatin li Wanê kom bûn, tevê hewaya sar û berfa zêde jî qat tijî kir û bi coşeke mezin peyama Rêberê PKKê Abdullah Ocalan a dirokî peşwazî kir.
Şandeya Partiya Wekhevî û Demokrasiyê ya Gelan (DEM Partî) ya Îmraliye piştî hevdîtin bi Rêberê PKKê Abdullah Ocalan re pêk anî, saet di 17.00ê de li Hotêla Elîte Worldê ya Stenbolê banga Rêberê PKKê Abdullah Ocalan a dîrokî bi raya giştî re parve kir. Ji bo daxuyaniyê gel ji gelek bajarên Serhedê yên wekî Colemêrg, Agirî, Bedlis, Mûş, Qers û bajarên din hatin li Wanê kom bûn. Bi deh hezaran bi hevre li ekranên LEDê li peyama Rêberê PKKê Abdullah Ocalan guhdar kirin. Bi deh hezaran kesên ku tevî hewaya sar û berfê li qada Bajar a Wanê kom bûn û coşeke mezin nîşan da. Dema peyama Abdullah Ocalan hat xwendin bi deh hezaran bi yek dengî li peyamê guhdar kir. Bi coşeke mezin û germahiyek mezin banga Rêber Abdullah Ocalan pêşwazî kir.
