Gelê kantona Tebqayê, koçberên Efrîn û Şehbayê ji bo pişgiriya bi HSDê re meşiyan û diyar kirin ku ew ê heta dawiyê li ser xeta edalet û azadiyê ya HSDê bin.
Gelê kantona Tebqayê, koçberên Efrîn û Şehbayê bi armanca piştgiriya Hêzên Sûriyeya Demokratîk (HSD) meşeke girseyî li dar xist.
Nûnerên saziyên Rêveberiya Xweser, tevgerên jin û ciwanan, hêzên leşkerî û ewlekariyê; bi sedan welatî beşdarî meşê bûn.
Girseya gel bi dirûşman ji Taxa Yekemîn heta Çerxerêya Meyselûn a li Taxa Duyemîn a Tebqayê meşiyan.
Li wir hevserokê Meclisa Malbatên Şehîdan a Tebqayê Mehmûd El Sayîl got: “Em ji baweriya xwe ya bi mafê gelan a parastina rumet û hebûna xwe ve girêdayî ye, meşiyan. Ji bo rêzdayîna bi rumet ji hêza HSDê ya di ber xaka û rumetê de fedekariyek mezin dide, em îro dimeşin. Em îro bi navê xelkên Tebqa, Şehba û Efrînê, her wiha bi navê malbatên şehîdan bi rêzdarî piştgiriya xwe bi wan re nîşan didin.”
El Sayîl di berdewama axaftina xwe de got: “HSDê di gelek qadên cuda de îsbat kir ku ew hêza niştimanî ya demokratîke. Ew xwediyê pirojeya hevbeş a xwe dispêre azadî, wehevî, edalat û parastina civakê bi hemû pêkahteyên xwe ve. Qehremaniya şervanên wan û fedekariya wan rûpeleke ronî ya di dîroka Sûriyaya nû de ava kiriye. Gotinên piştgirî û rêzdayînê têra dayîna ked û tekoşîna wan nake.”
El Sayîl da zanîn ku HSDê ji tevahî cîhanê re îsbat kiriye ew îradeya gelane û wiha dom kir: “Qehremanî ne durşmeyeke were rakirin, lê belê helwesta jiyana bi xwînê ye. Hinan ji wan heta serkeftinê tekoşîn da meşandin, hin ji wan li ser rêya azadiyê şehîd bûn. Em ji tevahî cîhanê re dibêjin ku fedekariya şehîdên me dê her dem riya rumet û azadiyê ronî bike, emê tu carî dest ji riya wan bernedin.”
Paşê hevserokê Desteya Hundirîn a Rêveberiya Xweseriya Demokratîk a Tebqayê Riyad El Walî axivî û babehsa piştgiriya şêniyên Tebqayê bi HSDê re anî ziman.
Di dawiya axaftina xwe de jî da diyarkirin ku HSD ji hemû pêkhateyên herêmê hatiye avakirin û ew rêya siberoja Sûriyeyê ye.
