Rojnameger Nîhat Kaya diyar kir ku Colanî dîl hatiye girtin û Şam niha di bin kontrola Tirkiyeyê de ye. Siyasetmedar Salih Muslim jî got ku Colanî ji aliyê MÎTê ve hatiye revandin.
Rojnameger Nîhat Kaya ku li Rojavayê Kurdistanê dixebite tev li televîzyona Medya Haberê bû û geşedanên dawî yên li Sûriyeyê nirxand. Nîhat Kaya diyar kir ku Serokê Hikumeta Demkî ya Sûriyeyê Ahmed Şara (Colanî) dîl hatiye girtin. Nîhat Kaya destnîşan kir ku Şam niha di bin kontrola Tirkiyeyê de ye û Colanî li Şamê desthilatdariya xwe winda kiriye.
Muslim: MÎTê Colanî revandiye
Endamê Konseya Hevserokatiya PYDê Salih Muslim jî ku tev li Rûdawê bûbû gotibû ew îdia dike ku Colanî ji aliyê MÎTê ve hatiye revandin û niha li Enqereyê ye.
Ji aliyê din ve ji 27ê Kanûna 2025ê ve Colanî bi tu awayî derneketiye pêşberî kamerayan. Li gorî agahiyên çavkaniyên pêbawer hatine bidestxistin; Colanî hewl daye sersalê peyamekî bide gelên Sûriyeyê lê piştre ev yek pêk nehatiye. Ev yek jî gumanan zêde dike û pirsa ku Colanî li ku ye dixe serê her kesî.
