Amed – Hevşaredarên navçeya Akdenîzê Hoşyar Sariyildiz û Nuriye Aslan anîn ziman ku hişmendiya qeyim desteserkirina vîna gel e û gotin: “Dema ku vîna gelê me hate destserkirin, gelê me mil bi mil bi rojan çalakî li dar xistin. Hişmendiya qeyim desteserkirina vîna gel e.”
Partiya Wekhevî û Demokrasiyê ya Gelan (DEM Partî) li Navenda Kongreya ÇandAmedê civîna rêveberiya xwecihî li dar xist. Hevşaredarên DEM Partiyê yên navçeya Akdenîzê ya Mersînê Hoşyar Sariyildiz û Nuriye Aslan jî tev li civînê bûn. Herdu hevşaredarên ku Wezirê Karên Hundir ew ji peyvirê girtin û qeyim tayînî şûna wan kir; derbarê kiryarên qeyim û pêvajoyê de ji Ajansa Welat re axivîn.
Hevşaredarê Akdenîzê Hoşyar Sariyildiz ku nêzî 10 mehan dîlgirtî mabû wiha axivî: “Me peywira xwe ya şaredariya Akdenîzê pêk dianî. Me ji bo civakeke demokratîk xebatên civakê dikir. Kesên ji kar û xebatên me aciz dibûn, em girtin. Girtina me li dijî hiqûqê bû. Min weke parêzerekî ev tişta hanê bi çavê xwe dît. Dosye û dozên ku li me vekirin neheqî û bêedaletî bû. Di dawiyê de jî em di dirûşmeya yekemîn de tehliye bûn. Divê êdî neheqiyên wisa bi dawî bibin. Divê kesên bi vîna gel hatibin hilbihjartin nekevin zindanan û pêşiya wan vebibe. Hêviya me ew e ku hemû siyasetmedarên me yên girtî jî bêne berdan. Niha qeyûm şaredariya Akdenîzê bi rêve dibe. Ev qeyim bixwe jî vîna gel xesp dike û li dijî demokrasiyê ye. Qeyim hem hevşaredaran mexdûr dike û hem gel mexdûr dike. Îro di Rojhilata Navîn de siyaseteke demokratîk tê meşandin. Hedefa vê siyasetê jî civakeke demokratîk e. Divê ev tişt jî dora siyaseta derdorê bê rûniştandin. Divê şaredariyên Akdenîz Wanê, Colemerg û bajarên din dîsa ji deztê qeyim derxin û teslîmî gel bikin. Em hêvîdarin ev pêvajo jî bigihêje armanca xwe.”
‘Gel mil da hev û li şaredariyê xwedî derket’
Hevşaredar Nuriye Aslan jî da zanîn ku armanca qeyim ji aliyê hemû gelan ve tê zanîn û got: “9 sal in li dijî hemû destkeftiyên gelê Kurd polîtîkayên qeyûm di meriyetê de ne. Desthilatê di hilbijatina 2024an de winda kir. Careke din jî bêhetemûliya xwe ya li dijî destkeftinyên me nişandan. Akdenîz malovaniya Kurdan û nasnameyên din dike. Me jî riza û dengê hemû bawerî, nasname û rengan girt û em hatin ser kar. Dema ku vîna me hate destserkirin gel li şaredariyê xwedî derket. Mil bi mil bi rojan çalekiyan li dar xistin. Tu wateya pişhilbijartinê jî nahêle û sindoqan jî ji holê radike.”
‘Qeyim gel nasnake’
Nuriye Aslan bal kişand ser kiryarên qeyim ên ku li dijî destkeftiyên wan hatine kirin û got: “Armanca wan ew e ku ji xwe re bingekê ava bikin. Di heman demê de êrişên destkeftiyên muxalefeta bingehîn a Tirkiyeyê jî hate kirin. Bi van êrişên pergalê muxalefetê jî ji xwe re fêm kir ew jî di hedefê de ne. Ji bo em qeyim bişînin tişta ji destê me bê em ê bikin. Qeyim di serî de li dijî vîna jinê û ciwanan e. Qeyim ewil dest diavêjin navend jinan. Ji ber ku zane rol û misyona jinan pêşîlêvekirina jinên cîhanê ye. Hewceye ku em di vir de hişyar bin û li ber xwe bidin. Daraz dizane tişta ku li hemberî me hate meşandin, siyasî ye. Hewce bû ku şaredarî nehatibûna destserkirin, ji ber ku gelek nasnameyên cuda deng dane me. Qeyim xizmeta gel nake û gel nas nake.”
