Hevya Sora Kurdistanê bi armanca alîkariya welatiyên ji ber lehiyê zirar dîtin, alîkarî li Çemçemalê belav kir.
Li Herêma Kurdistanê di encama lehiya hefteyek berê rabûyî gelek mal di bin avê de mabûn û welatiyan ziyanek mezin dîtibûn. Heyva Sora Kurdistanê bi armanca alîkariya welatiyên ziyan ji lehiyê dîtîn alîkarî kom kir. Alîkariyên gihiştin Navçeya Çemçemal û deverên din ji hêla tîmên Heyva Sor ve li welatiyên zirar dîtîn hate belavkirin. Alîkariyên ji pêwistiyên mirovîn ên sobe, betenî, nivîn û lazimiyên rojane pêk dihat radestî welatiyan hatin kirin.
Alîkarî dê bidomin
Rayedarên Heyva Sor a Rojavayê Kurdistanê anîn ziman ku zêdetir alîkarî kom kirine û piştî destûrên fermî dê derbasî Başûr bikin. Rayedaran got ku gelek welatiyan ziyan ji lehiyê dîtiye û pêwistî bi zêdetirîn alîkariyê heye. Her wiha bang li welatiyan hate kirin ku piştgirî bidin Heyva Sor da ku bikaribe zêdetir alîkariyê bigihîne lehîzedeyan.
