Endamên heyeta DEM Partî yên Îmraliyê ji bo hevdîtina Serokkomar Erdogan re bi rê ketin. Heyetê li Navenda Giştî ya DEM Partiyê daxuyaniyeke kurt da. Pervîn Buldan anî ziman ku ew ê gavên ku divê bên avetin gotûbêj bikin.
Endamên Heyeta Partiya Wekhevî û Demokrasiyê ya Gelan (DEM Partî) ya Îmraliyê Pervîn Buldan û Mîthat Sancar ji bo bi Serokkomarê Tirkiyeyê Recep Tayyîp Erdogan re hevdîtinê bikin ji navenda giştî ya DEM Partiyê bi rê ketin. Heyetê li ber deriyê navenda giştî daxuyaniyeke kurt da çapemeniyê. Pervîn Buldan anîn ziman ku ji bo pêvajoyê ew hertim bi Serokkomarê Tirkiyeyê Erdogan re di nava tekiliyê de ne û got: “Em di serdemeke dirokî re derbas dibin. Em ê bi hev re li ser gavên bên avetin gotûbêj bikin. Ji ber vê yeke ev hevdîtin pir girîng û watedar e. Merhaleya pêvajo gihiîştiyê, xitimîna pêvajoyê nîqaş bikin. Tê payîn ku Îbrahim Kalin û Efkan Ala jî beşdarî hevdîtinê bibin. Em wisa texmîn dikin ku hexdîtin dê nêzî seatekê berdewam bike û piştre em ê daxuyaniyê bidin.”
Mîthat Sancar jî bi lêv kir ku ew ê tişten ku divê niha bên kirin peşkeşi serokkomar bikin û got: “Em ê nirxandinên Serokkomar jî bigrin. Em hevî dikin hevdîtineke baş be.”
Heyet wê di seat 18.00an de li Qesra Serokkomariyê bi Erdogan re hevdîtinê bike. Hat hîn bûn ku Serokê MÎTê Îbrahîm Kalin û Cigirê Serokê AKPê Efkan Ala jî wê beşdarî hevdîtinê bibin.
