Amed – Hikûmeta Demkî ya Şamê li dora taxên Şêx Meqsûd û Eşrefiyê ku ev demeke lê şer sekinî ye, hêzên xwe bi cih dike.
Duh saet 17.00ˋan, hêzên Hikûmeta Demkî ya Şamê hemû riyên ketin û derketinên yên taxên Şêx Meqsûd û Eşrefiyê girtin. Berî wê jî çend rê girtibûn û bendên axê li ser van riyan bilind kiribûn. Piştî vê yekê gelê Şêx Meqsûd û Eşrefiyê ji bo vekirina riyên hatine girtin, çalakî li dar xistibûn. Hêzên hikumetê bi gaza îsotê û guleyan êrişî gel kir û hewl da bi tank û dronan bikevin li her du taxan. Lê Hêzên Ewlekariya Hundirîn ên her du taxan ji bo parastina şêniyan bersiv da êrişan.
Pevçûn heya saetên derengiya şevê berdewam kirin, paşê hêzên hikûmeta demkî vekişiyan. Li gorî agahiyên destpêkê di encama topbaran û êrişan de şehîd û birîndar çêbûn. Niha, li her du taxan bêdengî heye û hêzên hikûmeta demkî hîn jî li derdora taxan nuqteyên xwe xurt dikin, xwe bi cih dikin û dibe ku di her kêliyê de dîsa li herêmê şer û alozî derkeve.
