Navenda Ragihandin û Çapemeniyê ya HPG’ê (HPG-NRÇ) ragihand ku tevî biryara agirbestê jî êrîşên dewleta Tirk a dagirker ên li ser Herêmên Parastinê yên Medyayê didomin.
HPG-NRÇ daxuyaniyek nivîskî da û diyar kir ku ji 24ê Tîrmehê heya 7ê Tebaxê êrişên artêşa Tirk ên li dijî hêzên gerîla yên li Herêmên Parastinê yên Medyayê didomin.
Di daxuyaniyê de ev hûrgulî hatin parvekirin:
“24ê Tîrmehê tunelên me yên li Qada Berxwedanê ya Sinînê ya herêma Xakurkê 4 caran bi dronên bombebarkirî hatin bombebarankirin.
25, 27, 28 û 30yê Tîrmehê Qada Berxwedanê ya Berê Zînê ya herêma Xakurkê 22 caran bi çekên giran, top û obusan hatin bombebarankirin.
Di navbera 24ê Tîrmehê – 3yê Tebaxê de Qada Berxwedanê ya Girê Bahar a herêma Şehîd Delîl a Rojavayê Zapê 32 caran bi çekên giran û hewanan hatin bombebarankirin.
Di navbera 27ê Tîrmehê – 7ê Tebaxê de li ser Zap, Metîna, Xakurkê, Garê û Qendîlê liv û tevgera keşfe ya ÎHA û SÎHAyan hebû.
Di navbera 24ê Tîrmehê – 7ê Tebaxê de li herêmên Zap, Metîna û Xakurkê bi armanca dagirkirinê rê hatine çêkirin.
23, 24, 26, 27 û 28ê Tîrmehê banga teslîmbûnê li hêzên me yên li herêma Şehîd Delîl a Rojavayê Zapê hate kirin.”
