HSDê îdiayên “Wezareta Parastinê” ya hikûmeta Şamê ku îdia dike tevger an jî sewqiyetên leşkerî li Dêr Hafirê hene, derewandin û got, “Li herêmê tevgereke zêde ya balafirên bêmirov ên dewleta tirk heye.”
Navenda Ragihandina Hêzên Sûriya Demokratîk (HSD) bi daxuyaniyekê îdiayên “Wezareta Parastinê” ya hikûmeta demkî ku dibêje tevger an jî sewqiyetên leşkerî li Dêr Hafirê ya girêdayî kantona Tebqayê hene derewandin.
Di daxuyaniyê de ev agahî hatin parvekirin: “Hêzên me îdiayên nerast ên ku “Wezareta Parastinê” ya hikûmeta Şamê parve kirine ku tevger an jî sewqiyetên leşkerî yên hêzên me li eniya Dêr Hafirê hene, derewandin. Hêzên HSDê diyar kir ku tu tevger an jî amadebeşiyên nenormal tune ne, lê gelê Bakur û Rojhilatê Sûriyeyê ji bo pêşwazîkirina birîndarên Şêxmeqsûd û Eşrefiyê pêşwazî li wir kom bûbûn.
Berevajî, li herêmê tevgereke zêde ya balafirên bêmirov ên “Bayraktar” û “Akinci” yên dewleta tirk heye, li kêlek wê jî bi dronên xwekuj û topbaranan bajarê Dêr Hafirê û gundewarê wê û herêma Zeviya El Sewra hatibûn hedefgirtin. Vê yek gelek guman çêkirin.
Em wêneyên belgekirî yên parçeyên topên “Bayraktar” ku saziyek li herêma Meskenê bombebaran kiribû, radixin pêşiya raya giştî.”
