HSDê der barê pevçûnên li Siwêdayê yên di navbera Durziyan û komên girêdayî Hikûmeta Demkî ya Sûriyeyê de banga agirbesta lezgîn kir.
Li bajarê Siwêdayê ya Sûriyeyê di navbera Durziyan û komên girêdayî Hikûmeta Demkî ya Sûriyeyê de pevçûnên dijwar diqewimin û heta niha 37 kes jiyana xwe ji dest dane. Hêzên Sûriyeya Demokratîk (HSD) têkildarî mijarê daxuyaniyeke nivîskî weşand.
Daxuyaniya HSD’ê wiha ye:
“Em êrîş û binpêkirinên domdar ên li gund û bajarokên parêzgeha Siwêdayê şermezar dikin ku di encamê de hejmareke kesan jiyana xwe ji dest da, bi dehan mal û mezreyan sivîlan hatin şewitandin û wêrankirin. Êrişên domdar ên li ser gelê me yê Siwêdayê û tengavkirina domdar ên jiyana wan, çûn û hatin û xwestekên wan, ji bo me çavkaniya fikaran e. Di heman demê têkbirina hêviyên sûriyeyiyan e.
Em banga agirbestê û misogeriya ku ev êrîş dubare nebin dikin. Ji bo çareserkirina hemû pirsgirêkan divê derfet li pêşiya însiyatîfên nîştimanî were vekirin ku li gorî hêviyên tevahiya pêkhateyên gelê Sûriyeyê be.”
