Serokatiya Hikûmeta Senayê ya girêdayî Hûsiyan, kuştina Serokwezîrê Hikûmetê Ehmed Xalib Rehewî û alîkarên wî ragihand û piştrast kir ku di êrîşa balafirên artêşa Îsraîlê de hatine kuştin.
Hûsiyan, kuştina Serokwezîrê Hikûmeta Senayê Ehmed Xalib Rehewî û alîkarên wî ragihand û piştrast kir ku di êrîşa balafirên artêşa Îsraîlê ya duh li ser paytext Senayê de hatine kuştin.
Radyoya artêşa Îsraîlê ragihand ku Serfermandarê Giştî yê Hûsiyan û Wezîrê Parastinê yê Hûsiyan ji aliyê artêşa Îsraîlê ve hatiye hedefgirtin. Her wiha çavkaniyek nêzîkî Hûsiyan jî aşkere kiribû ku di êrişa Îsraîlê de Serokwezîrê Hikûmeta Hûsiyan Ehmed Xalib Rehewî jî hatiye kuştin.
Têkildarî mijarê medyaya Îsraîlê jî piştrast kir ku êrîşa Îsraîlê li ser civîneke payebilind ya Hûsiyan a li paytext Senayê hatiye kirin.
