Komîsyona Zimanê Kurdî ya Baroya Wanê bi tevlêbûna Nivîskar û Rewşenbîr Îhsan Colemêrgî li eywana konferansê ya Baroya Wanê ya Tahir Elçî gotûbêjek li darxist. Îhsan Colemêrgî da zanîn ku ji bo guhertin û veguhertin pêk bê pêwîst e çanda xwendinê pêş bikeve.
Komîsyona Zimanê Kurdî ya Baroya Wanê bi tevlêbûna Nivîskar û Rewşenbîr Îhsan Colemêrgî li eywana konferansê ya Baroya Wanê ya Tahir Elçî gotûbêjek li darxist û danasîna pirtûkên xwe kir. Moderatoriya gotûbêjê parêzer Zeynep Kutlukê kir. Zeynep Kutlukê Parlementerê Wanê yê Partiya Wekhevî û Demokrasiyê ya Gelan (Dem Partî) Sînan Çîftyurek, nunerên saziyên sivîl û partiyên siyasî û gelek wêjehez tev li bernameyê bûn. Îhsan Colemêrgî yek û yek behsa naveroka pirtûkên xwe kir.
‘Ez xwe wek nivîskar nabînim’
Îhsan Colemêrgî bal kişand ser pêvajoya Aştî û Civaka Demokratîk û got hûn dizanin em Kurd hemû aştî û azadiyê dixwazin û got: “Em hêvîdar in aştî û azadî pêk were, Komara Tirkiyeyê bibe komareke demokratîk. Lê ji bo ku civakeke demokratîk ava bibe, hişmendiya demokratîk pêş bikeve, guhertin û veguhertin pêk bê pêwîst e çanda xwendinê pêş bikeve. Lê mixabin di vê mijarê de em gelekî kêm dimînin. Min dixwest ku îro ev eyvana tije bibûya. Di bernemeyekî de ji min pirsîn gotin ‘tu xwe wek nivîskar dibînî’, min got na. Heke dema ez li nav bajêr digerim çar kes min nedin sekinandin, pirtûkên min rexne nekin, ez xwe wek nivîskar nabînim. Nivîskarekî bêxwendekar çawa dibe nivîskar?
Piştî ku Îhsan Colemêrgî berfireh behsa naveroka pirtûkên xwe kir, gotûbêjê bi pirsen beşdaran berdewam kir.
