Rejîma Îranê di meha cotmehê de herî kêm 241 mirov darve kirin. Rejîma Îranê di cotmeha 2024an de jî 161 mirov darve kiribûn. Li gorî sala par ji sedî 49,5 darvekirin zêde bû.
Meh bi meh darvekirinên li Îranê zêde dibe. Li gorî dane û îstatîstîkên Navenda dokumantasyonê ya Hengawê di cotmehê de 241 kes hatin darvekirin û nasnameya 235 kesan aşkere bû. Li gel ku hejmara darvekirina zêde ye jî medyaya girêdayî Rejîma Îranê tenê darvekirina 10 kesan aşkere kir. Rejîma Îranê 13 kes jî bêyî agahiya malbatan bi awayekî veşartî darve kirin. Di nava kesên hatin darvekirin de 37 kesên wan kurd in.
Li gorî daneyên hatin komkirin, ji kesên hatin darvekirin, 37 welatiyên Kurd, 27 welatiyên Lor, 17 welatiyên Tirk, 16 welatiyên Gilak, 13 welatiyên Ereb, 11 welatiyên Beluç, 2 welatiyên Tirkmen, 11 welatiyên Efgan û 70 welatiyên Persî, nasnameya 37 kesan jî nehat zanîn.
Li Îranê herî zêde li bajarê Elburzê mirov hatin darvkirin. Di cotmehê de li vî bajarî 31 mirov hatin darvekirin. Li bajarê İsfahanê jî 21 mirov hatin darvekirin. Li Farsê 20 û Kirmanşahê jî 17 bi giştî 241 mirov hatin darvekirin.
