ÎDFê peyamek weşand û diyar kir li Tehran û deverên din ên Îranê bomberdimanin nû dest pê dikin. Her wiha derbarê êrişên rojên pêş de jî agahî dan û daxuyand ku kontrola qada hewayî ya Îranê bi dest xistine.
Hêzên Parastina Hewayî yên Îsraîlê (IDF) ragihandin ku hêzên wan roja Çarşemê rêze êrişên berfireh li ser hedefên rejîma Îranê pêk anîne. Li gorî daxuyaniyê êrişên dawî li rojavayê û navenda Îranê û her wiha li paytexta Tahran hatine pêkanîn.
Bingehên moşekan û pergala parastinê hatin têkbirin
Li gorî daxuyaniya IDFê, di van êrîşan de bi dehan bingehên bi pergala moşekî ya balîstîk a Îranê ve girêdayî ne hedef hatine girtin. Hate ragiihandin ku nav van hedefan de rampayên avêtina moşekan, depoyên çekan û pergala parastina esmanî jî hebûne.
Navendên fermandariyê li rojhilata Tahranê
Li gorî IDFê di êrîşên dawî de kompleksên mezin ên leşkerî, kompleksên îstîxbarî û gelek navendên fermandariyê yên girîng hatine tunekirin. Di daxuyaniyê de hate destnîşankirin ku navendên fermandariyê Mihafizên Şoreşê (IRGC), navendên fermandariya îstixbarata Îranê, navendên Basijê, navenda Hêza Qudsê Force, navendên hêzên ewlehiya navxweyî, navendên şerê sîber, navendên yekîneyên tepisandina portestoyên gel hedef hatine girtin.
Operasyona ‘Orîna Şêr’ berdewam e
Li gorî IDFê, êrişên li dijî Îranê di çarçoveya operasyona bi navê ‘Orîna Şêr’ de pêk tên. Rayedarên leşkerî yên Îsraîlê dibêjin ku ev operasyon 100 saet in didome. Di daxuyaniyê de ev îstatîstîk hatin dayîn. Hate ragihandin ku di 100 seatan de nêzîkî 300 pergalên parastina esmanî û moşekên balîstîk hatine tunekirin, bi sedan hedefên bi komuta û kontrola leşkerî ve girêdayî, bingehên bernameya nukleer û çêkirina çekên stratejîk hatine tunekirin.
Li Tehranê li 750 hedefan hate xistin
ÎDFê daxuyand ku tenê li Tahranê ji destpêka operasyonê heta niha li zêdetirî 750 hedefan xistine. Li gorî daxuyaniyê armancên operasyonê li gorî merhaleya pêşiyê di astek jor de pêk hatine.
ÎDFê dîmenên balefirên şer jî bi gotina, “Îşev em dest pê dikin” weşand.
