Hêzên Îsraîlê barbanga vê sibehê derdora Koşka Serokatiyê ya li Şamê bomebaran kirin û ragihand ku dê nehêlin hêzên desthilata Şamê li başûrê Sûriyeyê bi cih bibin.
Berdevkê artêşa Îsraîlê Avichay Adraee di postekê de ku li ser Xê weşandiye ragihand ku “Balafirên şer derdora Koşka Ehmed Hisên El Şera bombebaran kirin e.”
Piştî bombebaranê ku barbanga îro hatibû kirin, serokwezîrê Îsraîlê Benjamin Netanyahu got ku Îsraîlê li nêzî qesra serokatiyê ya li Şamê êrişî hedefekê kiriye. Netanyahu anî ziman ku dê Durziyan biparêz in.
Netanyahu û Wezîrê Parastinê yê Îsraîl Israel Katz di daxuyaniyek hevbeş de gotin: ” Îsraîlê li nêzîkî Qesra Serokatiyê ya li Şamê êrişeke hewayî pêk aniye. Em ê nehêlin ku hêzên (Sûrî) li başûrê Şamê bi cih bibin an jî gefê li Durziyan bixwin.”
Desthilata Şamê der barê êrişê de tu daxuyanî nedaye.
Di van rojên dawîn de li gundewarên Şamê, bajarê Siwêda û gundewarê wê bi taybetî li herêmên ku Durzî lê dimînin, şer di navbera çekdarên xwecihî û hêzên desthilata Şamê de diqewimin. Di encama vî şerî de zêdetirî 75 kes hatin kuştin.
