Di êrişa Îsraîlê ya li ser taxa Zeytûn a Xezayê de bi dehan kes hatin kuştin û birîndarkirin.
Wezareta Tenduristiyê ya Xezayê ragihand ku hêzên Îsraîlê li taxa Zeytûn a Xezayê dibistanek bombebaran kir, di encamê de bi dehan kes hatin kuştin û birîndarkirin.
Wezaretê bi bîr xist ku li dibistana hatiye bombebarankirin de koçber lê bicih bûbûn û da zanîn ku di bombebaranê de jin û zarok jî di nav de hejmarek mezin bûne qurbanî.
Wezaretê eşkere kir ku ekîbên ambulansê û rizgariyê hin kesên ji binê kavilên avahiyê derxistin e.
Li aliyekî din çavkaniyekî bijîşkî diyar kir ku di êrişên Îsraîlê de ji berbanga duh (Şemiyê) ve 79 kes hatine kuştin.
Hate diyarkirin ku duh êvarî li Cibalya û Xan Yûnisê de 21 kes hatin kuştin û hin kes jî birîndar bûn.
Ajansa Nûçeyan a Filistînê (WAFA) jî ragihand “Di êrişa Îsraîlê ya li Cibalya ya bakurê Xezayê ya li ser malekê de 18 kes hatin kuştin û hin din birîndar bûn. Di êrişa li ser kolana Xezaya Kevin jî 2 kes hatin kuştin.”
