Şaredariya Rezan a Amedê di çarçoveya kampanyaya “Gotina me neqedyaye, em ê bi hev re tundiyê rawestînin” Meclîsa Jinan ava kir.
Şaredariya Rezan a Amedê ya DEM Partiyê, bi armanca wekheviya zayendî û ji bo jin di qada civakî, aborî, çand û polîtîk de bi bandor cih bigirin Meclîsa Jinê ava kir. Şaredariyê meclis di çarçoveya kampanyaya “Gotina me neqedyaye, em ê bi hev re tundiyê rawestînin” ava kir. Meclis dê di çarçoveya 8ê Adarê Roja Jinan a Cîhanê de bernameyan pêk bîne.
Hevşaredara Navçeya Rezan a Amedê Leyla Ayaz li avahiya şaredariyê civîna çapemeniyê pêk anî. Leyla Ayaz da zanîn ku ew dixwazin jin di hemû qadan de cih bigirin û ji bo vê jî ev meclîs ava kirine. Leyla Ayaz da zanîn ku dê meclisê berfirehtir bikin û zêdetir xebatên jinan bimeşînin.
