Di berxwedana şervanên HSDê de li gundewarên Minbicê 22 çete hatin kuştin, 25 çete jî birîndar bûn.
Êrişên Tirkiyeyê û komên çekdar ên girêdayî wê yên li ser gundewarên başûr-rojhilatê Minbicê berdewam dikin. Li dijî van êrişan berxwedana şervanên Meclisa Leşkerî ya Minbicê û şervanên Yekîneyên Parastina Jin (YPJ) jî didome.
Di berxwedana ji duh sibeha (26 Kanûn 2024) heya îro sibehê (27 Kanûn) ve 22 çete hatin kuştin û zêdetirî 25 çeteyan jî birîndar bûn.
Navenda Ragihandinê ya Hêzên Sûriyeya Demokratîk (HSD) derbarê mijarê de li ser malpera xwe ya înternetê daxuyaniyek weşand û ev agahî parve kirin:
“Hêzên me roja pêncşemê bersiva êrişeke berfireh a dagirkirinê ya dewleta Tikr û çeteyên wê dan. Di encamê de bi dehan çete hatin kuştin û bi dehan jî birîndar bûn. Panzer û erebeyên wan ên leşkerî hatin îmhakirin û panzêrek din jî derb xwar.
Di encama berxwedanê de 22 çete hatin kuştin, 25 jî birîndar bûn. Ji ber derbeyên giran, çete neçar man birevin û xwe di kûzikan de veşêrin.
Yekîneyên Şehîd Harûn jî çar caran li nuqte û kombûnên çeteyan dan. Di encamê de birîndarên çeteyan çêbûn û erebeyên wan ên leşkerî hatin îmhakirin.”
