Hevserokên Giştî yên DEM Partiyê Tulay Hatîmogullari û Tuncer Bakirhan bi dîmen peyama Newrozê dan û bang li gel kirin ku Newrozan bibin.
Hevserokên Giştî yên DEM Partiyê Tulay Hatîmogullari û Tuncer Bakirhan têkildarî Newroza îsal ku bi dirûşmeya “Newroza Azadî û Yekîtiya Demokratîk” tê pîrozkirin, peymake bi dîmen banga beşdariya pîrozbahiyên Newrozê kir. Hevserokan bang li gel kir ku tev li pîrozbahiyan bibe.
Tulay Hatîmogullari bi lêv kir ku Newroz nirxa hevpar a mirovahiyê ye û ev bang kir: “Newroz sembola rûmet û azadiyê û berxwedanê ye. Li dijî tarîtiyê werin em bi agirê Newrozê her deverî ronî bikin. Em bi hev re li qadên Newrozê govendan bigerînin. Ji bo aştiya gelê Kurd û gelên Tirkiyeyê werin em agirê Newrozê pêxin. Ji bo aştî, demokrasî û azadiyê niha dem dema em li qadên Newrozê li hev bicivin e.”
Hevserok Tuncer Bakirhan jî cejna Newrozê li gel pîroz kir û ev bang kir: “Werin em li Newrozê bi hev re govendê bigerînin. Werin em yekîtiya xwe xurt bikin. Bila Newroza 2026an bibe yekîtiya gelê Kurd û têkoşîna mezin bikin. Bila bibe sedema aştiyê. Newroza me pîroz be. Newroza gelê me pîroz be.”
