Gelên kantonên Reqa, Firat û Cizîrê bersiv da seferberiya giştî ya Meclisa Taxên Şêxmeqsûd û Eşrefiyê da û bi karwanan ber bi Helebê ve derketin rê.
Bi sedan gelê bajarên Kobanê, Sirîn û Eyn Îsayê yên kantona Firatê, gelê bajarên kantona Cizîrê berê xwe da bajarê Reqayê û tev li karwana şêniyên bajarê Reqa û koçberên Efrînê bûn, ber bi Helebê ve derketin rê.
Karwana şêniyan ji pêş avahiya Meclisa Rêveber a kantona Reqayê ber bi kantona Tebqayê ve kete rê, da ku ber bi bajarê Helebê ve biçin.
Piştî ku Meclisa Gel a Taxên Şêxmeqsud û Eşrefiyê ya Helebê bi daxuyaniyekê ragihand ku ji ber êrişên Hikûmeta demkî û komên çete yên Tirkiye destek dide wan metirsiya komkujiyan heye, gelên Bakûr û Rojhilatê Suriyeyê ketin nava liv û tevgerê.
Di êrîşê de Zozan Hemo, Kerem Ehmed El Şihab El Hemed, yek ji rêvebira Komîna Jinan a Zenûbiya, û Azad Ferhan Mihemed Hesan, endamê Tevgera Ciwanên Şoreşger ên Sûriyeyê, şehîd bûn, û 15 sivîl jî birîndar bûn.
