Pêkhateyên Mitînga Jinan, dê di 10ê Çileyê de li qada Tandogan a Enqereyê mitînga jinan li dar bixe. Jinan bi daxuyaniyeke bang li jinan kir ku li dijî polîtikayên mafên jinan binpê dike tev li mitîngê bibe û daxwazên xwe bînin ziman.
Pêkhateyên Mitînga Jinan, ji bo mitînga jinan ku dê di 10ê Çileyê de li Qada Tandoganê ya Enqereyê bê lidarxistin daxuyanî da. Girseya di nav de aktivîstên Tevgera Jinên Azad (TJA), Platforma Jinan a Enqereyê û endamên saziyên jinan hebûn li Cadeya Yukselê ya Enqereyê daxuyanî da. Di daxuyaniyê de pankarta li ser, “Em ji bo maf û jiyana xwe di 10ê Çileyê de li mitîngê ne” dinivisî vêkirin. Jinan bê navber dirûşmeyên, “Jin jiyan azadî” û “Bijî piştgiriya jinan” berz kirin.
Li ser navê Pêkhateyên Mitînga Jinan metna hevpar Berfîn Gozde Tuncay xwend. Berfîn Gozde Tuncay anî ziman ku ew li dijî polîtikayên mafên jinan binpê dikin xwedî li vîna xwe derdikevin û wiha got: “Li çar aliyên welat jin ji bo xwedî li mafên xwe derbikevin tên Enqereyê. Xaniyên me, zanîngeh û kolan ji bo jinan ne ewle ne. Mekanîzmayên jinan ji tundî û kuştinan diparêzin yek û yek ji destê me girtin. Hevpeymana Stenbolê ku jinan diparêze betal kirin û bi vê yekêre li dijî hiqûqî derketin. Pakêtên Dadgehê ku desthilat bi polîtikayên bê cezakirinê dixe meriyetê, di serî de jin û zarokan û jiyana civake dixe xetereyê. Li dijî jinên astengdar û zarokan bûyerên destdirêjiyê her ku diçe zêde dibe. Jin mahkumî meaşên erzan tên kirin û keda jinan tê binpêkirin. Bi qanûnan li dijî jin û kesên LGBTI+ nefret zêde dibe. Polîtikayên şer daxwazên aştiyê binpê dike û mafê me yê aştiyê tune tê hesibandin. Li dijî van kiryaran ji bo mafên xwe em di 10ê Çileyê de li Qada Tandoğan tên ba hev û daxwazên xwe tînin ziman. Em hemû jinan vedixwînin ku werin daxwazên xwe bînin ziman.”
Piştî daxuyaniyê jinan ji bo vexwendina mitîngê belavok li derdorê belav kirin.
