Meşa TJAyê di roja 3yemîn de li navçeya Bêrecûkê ya Rihayê didome. Hevşaredara Dêrsimê Bîrsen Orhan a li vir axivî bi lêv kir ku bi berxwedanê hêviya aştiyê zindî dihêlin û got: “Em bang li partiyên siyasî dikin aştî ji armancên siyasî wêdetir e.”
Meşa ku Tevgera Jinên Azad (TJA) bi dirûşma “Em bi hêviyêber bi azadiyê ve dimeşin” di 1ê Cotmehê de ji Amedê ber bi Enqereyê ve da destpêkirin di roja sêyemîn de berdewam dike. Jinên ku di saetên sere sibê de berê xwe dan gundê Amara yê navçeya Xelfetiyê ku Rêberê Gelê Kurd Abdullah Ocalan lê ji dayik bû û li wir daxuyanî dan. Dûre jin ber bi navçeyaBêrecûkê ve bi rê ketin. Jinên ku bi meşê ketin navçeyê jialiyê endam û rêveberên DEM Partiyê û welatiyan ve hatinpêşwazîkirin. Jin li kêleka Çemê Firatê meşa xwe domandin û di meşê de dirûşm berzkirin û stran gotin.
Jin dema ku li ser Pira Bêrecûkê dimeşiyan welatiyan jî bilêxistina qorneyên wesayîtan piştgirî dan jinan. Jinan piştî jipirê derbas bûn daxuyanî dan çapemeniyê.
‘Bi berxwedanê hêviya aştiyê zindî dihêlin’
Hevşaredara Dêrsimê Bîrsen Orhan ku qeyim tayînî şuna wêhat kirin li vir li ser navê jinan axivî. Bîrsen Orhan diyar kir ku her gava wan ji bo aştî û azadiyê ye û destnîşan kir ku ji bo jinên ku di salên 90î de gundên wan hatin şewitandin, jinên Elewî yên tune tên hesibandin, Rojîn Kabaîş a faîlên wê tên veşartin, Dayika Taybet a cenazeyê bi rojan li erdê ma, DayikaXalîse ku cezayê kurê wê bi kargoyê hate teslîmkirin û Nagehan Akarsel a li Silêmaniyê hate qetilkirin dimeşin. Bîrsen Orhan bi lêv kir ku birik, bi berxwedanê hêviya aştiyêzindî dihêlin. Bîrsen Orhan bal kişand ser polîtîkayên qirkirina ekolojiyê û wiha got: “Aştî bi HES, RES û GESan nayê. Aştî dê bi azadiya were.”
Bîrsen Orhan bi lêv kir ku ji bo “Mafê Hêviyê” were nasîn dimeşin û wiha pê de çû: “Komîsyoneke li Meclisê hatiyeavakirin heye. Ev pêvajo bi mijûlkirinê tê derbaskirin. Em bang li partiyên siyasî dikin aştî ji armancên siyasî wêdetir e. Em naxwazin mirov bimirin. Her ferdeke li vir wekemexdûreke şer li vir e. Şer xizanî ye. Ev ne tenê meseleyajinên Kurd e. Meseleya jinên Tirk e jî. Aştî encax bi têkoşînajinan pêkan e.”
Daxuyanî bi dirûşma “Jin jiyan azadî, azad bike Rêbertî” bidawî bû.
