Jinan di salvegera windabûna Rojîn Kabaîş de li Enqereyê daxuyanî dan û xwestin bûyera Rojîn Kabaîş bê ronîkirin.
Jinan bi pêşengiya Koîsyona Ji bo Rojîn Kabaîş Edalet li Enqereyê tekildarî Rojîn Kabaîş a ku di 27ê Îlona 2024an de piştî winda bû bi awayekî guman mirî hat dîtin û tevî salek ji serê derbas bû jî faîl nehat dîtin daxuyanî dan. Daxuyanî li Rêya Sakarya ya navçeya Çankayayê hat dayîn û gelek saziyên jinan û jin beşdarî daxuyaniyê bûn. Di daxuyaniyê de pankarta “Rojîn salek e ku li pey edaletê ye, Saziya Tipa Edlî DNAya 2an aşkera bike” dinivîsî vêkirin. Her wiha jinan dovîzên ku li ser, “Çi hat serê Rojîn Kabaîş” û “Rojîn Kabaîş xwe nekuştiyê” hilgirtin. Jinan dirûşmeyên, “Jin jiyan azadî”, “Jinên hatinê qetilkirin raperîna me ne” û “Zilam dikujê dewlet diparêze” berzkirin.
Di daxuyaniyê de Zeliha Taşkiran axivî û bi lêv kir ku tevî salek di ser re derbas bûye jî bûyera Rojîn Kabaîş nehatiyê ronîkirin. Zeliha Taşkirin anî ziman ku bûyera Rojîn Kabaîş yek jî encama polîtikayên bê cezhiştinê ya dewletê ye û wiha got: “Delîlên li pêy Rojîn Kabaîş ma ne nehatin ronîkirin. Lêkolîneke bi bandor nehat kirin. Gotin Rojîn ê xwe kuştiyê û bi vê yekê xwestin li ser bûyerê bigrin. Xwestin rastiyan ji parêzer û malbatê veşerînin. Di laşê Rojîn de 2 DNAyên zilaman hatin tespitkirin. Tevî vê yekê jî yên guman nehatin binçavkirin. Tevî ew qas delîlan jî hê jî dibêjin Rojîn xwe kuştiye. Berovajî vê xwestin malbatê û kesên ji bo Rojîn edalet dixwazin bê deng bikin. Em jin dipirsin ji bo çi bûyera Rojîn nayê ronî kirin? Hûn çi vêdişerînin? Delîl hatin windakirin. Faîlên Rojîn tên parastin.”
Zeliha Taşkirina di berdewama axaftina xwe de destnîşan kir ku Rojîn Kabaîş ne dozeke ji bo jinan têkoşîna edaletê ye û daxwazên xwe wiha rêz kir:
“*Divê vêşartina dosyayê be rakirin û malbat û raya giştî begehejê rastiyan.
*Delîlên ku kêm ma ne bila bên berhev kirin û bi awayekî zelal ji raya giştî re bê parvekirin.
*DNAyên di laşê Rojîn de hatinê tespitkirin aîdî kê ne bila bê aşkerakirin.
*Kîjan saziyên ji bûyera Rojîn berpirsyarin bila hesap bidin.
*Ji bo mafê jiyanê ya jinan be parastin dewlet berpirsyariya xwe bi cih bîne.
*Bila malbata Rojîn tenê neyê hiştin, piştgiriya hiqûqî û manevî be dayin.”
