Di çarçoveya kampanyaya “Ez dixwazim hevdîtin bi Abdullah Ocalan re bikim” de jinên ji Girkê Legê û Rimêlanê nama nivîsandin.
Li gorî agahiyên nûçeya Ajansa Hawarê (ANHA) parve kiriye Kongra Star di çarçoveya kampanyaya “Ez dixwazin bi Abdullah Ocalan re hevdîtinê bikim” de li Parka Xwendinê ya bajarokê Rimêlan ê kantona Cizîrê de çalakiya nivîsandina nameyan li dar xist. Di çalakiyê de jinên ji bajarê Girkê Legê, Rimêlanê, tevî endamên saziyên sivîl ji Rêberê Gelê Kurd Abdullah Ocalan re name nîvisandin.
Di vê çarçoveyê de Kongra Star daxuyanî da. Di daxuyaniyê de derbarê kampanyayê de ev tişt hatin gotin: “Em endamên rêxistina Kongra Star a Girkê Legê di çarçoveya kampanyaya “Ez dixwazin hevdîtinê bi Rêbertî re bikim” de nîvisandina nameyan ji Rêber Abdullah Ocalan re radighînin. Em silav û hezkiriyên xwe ji Rêbertî re dişînin. Em soz didin wî ku em ê rêya wî ya pêkanîna aştî û civaka demokratîk de bidomînin. Em daxwaza azadiya fîzîkî ya Rêber Abdullah Ocalan dikin.”
Çalakî bi berzkirina dirûşmên ji bo daxwaza azadiya fîzîkî ya Rêberê Gelê Kurd Abdullah Ocalan bi dawî bû.
Namayên hatine nîvisandin dê ji Rêberê Gelê Kurd Abdullah Ocalan re bên şandin.
