Kesayetên ji Misrê êrişên çeteyên hikumeta demkî yên Sûriyeyê yên li ser Rojava şermezar kirin û diyar kirin ku êriş sûcek li dijî mirovahiyê ye.
Zêdetirî sed rewşenbîr û kesayetên Misirî bang li civaka navneteweyî kir ku ji bo rakirina dorpêçê, parastina gel û mafên pêkhateya Kurd destwerdana lezgîn bê kirin. Kesayet û tevgerên siyasî yên ji Misrê nerazîbûn nîşanî dorpêç û êrişên çeteyên hikumeta demkî yên li ser Rojavaayê Kurdistanê dan û bang lezgîn a destwerdanê li hêzên navneteweyî kir.
Wezareta Karên Derve ya Misrê der barê agirbesta ku hikumeta demkî û Hêzên Sûriyeya Demokratîk (HSD) ragihandine de daxuyaniyek weşand. Wezaretê agirbest pêşwazî kir û hêvî kir ku bibe gaveke cidî ber bi destpêkirina proseyeke siyasî ya giştî ve ku hemû pêkhateyên Sûriyeyê bigire nava xwe.
Sîsî: Diyalog û beşdariya siyasiya giştî aramiyê tîne
Serokkomarê Misrê Ebdulfetah Sîsî anî ziman ku divê tu alî ji proseya siyasî neyê dûrxistin û got: “Diyalg û beşdariya siyasî ya giştî rêya yekane ya avakirina dewleta Sûriyeyê û mîsogerkirina aramiya wê ye.”
‘Lêkolîna navneteweyî ya serbixe destpêbike’
Her wiha misrî jî di nav de kesayetên Erebî nerazîbûn li dijî êrişên li ser herêmên Kurdan dan û got ku divê tavilê tundî were rawestandin, lêkolîneke navneteweyî ya serbixwe were destpêkirin û li diyaloga siyasî vegerin.
Sed rewşenbîrê misrî êrişan şermezar kirin
Li aliyekî din jî zêdetirî sed rewşenbîr, rojnamevan, siyasetmedar û hunermendên Ereb ku misrî jî di nav de ne, daxuyaniyek hevbeş dan. Di daxuyaniyê de êrişên li ser Kurdan şermezar kirin û diyar kir ku hikumeta demkî ya Sûriyeyê berpirsê rageşiyê ye. Her wiha îşaret pê kirin ku “Sûriye bi dûrxistinê ava nabe û bi tundiyê nabe yek, lê bi edalet û tevkariya siyasî ava dibe.” Kesayetan ji bo tevahî Sûriyeyan edalet û azadî xwestin.
‘Êriş koçberiyê mezin dike’
Rêveberê Navenda Qahîreyê ya Lêkolînên Kurdî Seyîd Ebdulfetah, ji ajansa ANHAê re diyar kir ku êriş û dorpêça li ser Bakur û Rojhilatê Sûriyeyê beşek ji planên derve ne ku xizmeta gelê Sûriyeyê nakin. Ebdulfetah got ku êriş bibe sedema koçberbûna hejmareke mezin a sivîlan û xirabûna xizmetguzariyên bingehîn.
‘Şer û êriş derfetê jiyanê ji holê radike’
Akademîsyen Elî Sabit hişyarî da ku operasyonên sîstematîk ên komên hikumeta demkî ya Sûriyeyê yên li dijî Kurdan sûcên li dijî mirovahiyê û binpêkirinên bêhempa li dijî jinên Kurd in. Elî Sabit anî ziman ku dorpêç û hilweşîna binesaziyê jiyana sivîlan dixe xetereyê û dibe ku destê hikumeta demkî bixe nav komkujiyekê .
‘Helwesta sar û bêdengî parçeyeke şer e’
Sabit got ku helwesta sar û bêdeng a navneteweyî di çarçoveya lihevkirinên teng ên li dijî gelên li Sûriyeyê de têne kirin û diyar kir ku ev helwest aloziyê gurtir dike.
