12 welatanê ereb û îslamîyan seba şerê Îranî yê Kendawa Hurmuz çiqas şino hîra beno, Rîyad paytextê Erebistanê Seûdî de kombîyayîşêk viraşt û eşkerayîyêke hempare da.
Goreyê eşkerayîya hempare ya 12 welatanê ereb û îslamîyan ê Rojhelatê Mîyanên, vizêrî Rîyadê paytextê Erebîstanê Seûdî de bi beşdarîya wezîranê karanê teberî yê; Azerbaycan, Behreyn, Misir, Urdun, Kuweyt, Lubnan, Pakîstan, Qeter, Erebîstanê Seûdî, Sûrîya, Tirkîya û Mîreyîya Ereban kombîyayîşêk viraşt.
Eşkerayîyêk de ame dîyar kerdene ke beşdarê kombîyayîşî hêrişê Îranî yê serê kampê û merkezê dîplomasî, binawanîyê ekonomî, cayê roniştişî yê welatanê herême sey herîşanê neyarîye biname kerdê û vanêke tu maneyî nêeşkenê nê herişan meşrû bikerê. Sewbîna zî ame dîyarkerdene ke beşdarê kombîyayîşî dayo zanayene ke heqê dewletanê herême est o ke goreyê madeyê 51. yê pêameyîşê Neteweyanê Yewbîyayeyî pawitena welatê xo bikero.
Sewbîna zî ame vatene ke beşdaranê kombîyayîşî waştene Îranî ra kerda ke bilez hêrişanê xo vindarno û qanûnanê mîyanê dewletan rê hurmet bigîro û seba çareserîya krîzan weçînekê dîplomasî bikar bîyaro.
