Heqê Tolga Guney û Melîke Aydine de çarçiweya kar û gureyê înan de beraat ame dayene la heqê Delal Akyuze de bi îdiaya ‘Endambîyayîşê rêxistine’ ceza amê dayene.
Heqê Muxabîrê MA’yî Tolga Guney û Muxabîrê JINNEWS’î Melîke Aydin û Delal Akyuze de çarçiweya kar û gureyê înan de doz ame akerdene. Roniştişê na doze zî Mahkemeya Ceza ya 13. ya Îzmîrî de ame dîyayîş. Roniştişê doze ra rojnamegeran beşdar nêbîyî, avukatan beşdar bîyî.
Dozger, heqê rojnamegeran de mutalaya xo ser vindert û rojnamegeran ra ceza waşt. Pawitena Avukatan ra dima heyetê Mahkemeyî qerarê xo eşkera kerd. Mahkemeyî heqê Melîke Aydin û Tolga Guneyî de qerarê beraatî la Delal Akyuze ra 6 serrî û 3 aşmî cezaya hepsî da.
