Vera hêrişanê Vakur û Rojhelatê Sûrîye do Nisêbîn, Pirsûs û Xetayî de rayîrşîyayîşî bêrê viraştene.
Dewleta Tirk û SMO’yî hêrişanê xo yê Vakur û Rojhelatê Sûrîye ser o, tehdîdê xo dewam kenê. Vera hêrişan nobetê ke Nisêbîna Mêrdînî û Pirsûsa Rihayî de dest pêkerdo, dewam keno.
Aşma çeleyî de nobetê ke sinorî de yê, bi zîyaretanê şarî do dewam bikerê. Goreyê melumatanê ke ameyî girewtene, 2yê çeleyî de nobeto ke Nisêbîn de dewam keno do bi şarî bêro zîyaretkerdene û do şar şêro sinor. 3yê çeleyî de Pirsûs de zîyaretê şarî û rayîrşîyayîşê sinorî do bibo.
4ê çeleyî de zî Xetayî de rayîrşîyayîş do bibo û nobet do dest pêbikero. Uca dehêrişê ke Sûrîye de elewîyan ser o benê do bêrê protestokerdiş.
Hemserekê DBP û DEM Partî do tewrê nê çalakîyan bibê ke 2, 3 û 4ê çeleyî de do bibê . Teber ra temsîlkarê hêzanê kedî û demokrasî û rêxistinanê elewîyan zî do tewrê çalakîyan bibê.
