39 cinîyî ke dinya de namdar ê, seba ‘heqê hêvî’ yê Rayberê Şarê Kurdî Abdullah Ocalanî bêro pawitene, Konseyê Ewropa rê mektub erşawit.
39 cinîyî ke dinya de nameyê înan vila bîyo û namdar ê seba Heqê Hêvî yê Rayberê Şarê Kurdî Abdullah Ocalanî bêro pawitene, Konseyê Ewropa rê mektub erşawit. Mîyanê kesanê de ke mektub îmza kerdo, Femînîsta Hindîstanij Abha Bhaiya, sazkera têgêrayîşê cinîyan ê DYA’yî Harrîet Fraad, ramangera Arjantînije Rîta Segato, qasida aştî ya Yemenî Dr. Raîda Al Zabhanî û fîlozofa Fransî Catherîne Makabou zî tede 39 cinîyê dinya yê namdarî est ê.
Cinîyan Serekê Komîteyê Wezîran ê KE’yî ra Îan Borg û cagirê Wezîr Francesca Camîllerî Vettîger rê mektub erşawit. Cinîyan dîyar kerd ke temsîlkarê paradîgmaya Aştî û Komelê Demokratîkî seba ke bieşka tam rolê xo kay bikero, ganî şertê ey ê azadîye tam rast bibê û ganî seba demokratîkbîyayîşê Tirkîya paştî bidê. Cinîyan waşt ke seba qerarê mehkema bikewo merîyetî ganî mekanîzmayê ke lazim ê bikewê merîyet.Cinîyan waşt qerarê DMME’yî bikewo merîyetî û Rayberê Şarê Kurdî Abdullah Ocalan serbest veradîyo. Reyna înan waşt ke Komîsyonê Meclîsî seba çareserîya meseleyê kurdî gamanê şênberan bierzo. Ganî YE û aktorê mîyanneteweyî hewl bidê ke Tirkîya gaman bierza û ganî PKK zî lîsteya terorî ra bêra vetene û krîmînalîzasyonê vera kurdan êdî biqedîyo.
Yê ke mektub îmza kerdo, wina yê:
Abha Bhaiya (Hîndistan), Catherine Malabou (Arjantin), Harriet Fraad (DYA), Dr. Raida Al Zabhani, (Yemen), Donna Haraway, (DYA) Rita Segato (Arjantin), Bahiyah Al Saqqaf (Yemen), Rahila Gupta (Îngîlistan), Coni Ledesma (Hollanda), Saloua Guiga (Tunus), Chiara Cruciati (Îtalya), Dinah Altai (Irak), Franziska Stier (Swîsre), Sawsan Shoman (Lubnan), Afraa Al Hariri (Yemen), Dr. Carol Mann (Fransa), Margaret Owen (Îngiltere), Sherifah Ghaddar (Cezayir), Dr. Farah Sabir (Irak), Janet Biehl (DYA), Lara Reddy (İtalya), Bianca Argentieri (İtalya), Dr. Houssami Mahjoub (Tunus), Dr. Fernaz Attia (Misir), Shamsa Najar, Dr. Alaa Alqaisi, Ashwaq Abdullah, Yusra Ahmad Majid, Iman Ibrahim, Samirah Mahmoud, Aseel Hussein Ali, Ankham Ibrahim Jamil, Wassan Al Jibouri, Aseel Mohammad Hasan, Dr. Ruqeyya Mazhar Qasim, Hanan Ismail Ahmad, Zahraa Abdullah Mahmoud, Zahra Khadim Yassin, Aya Ali Jasim (Iraq).
