39 partî û rêxistinanê sîyasî yê Sûrîye hêrişê taxanê Şêxmeqsûd, Eşrefîye û Benî Zêd ê Helebî şermezar kerd. Partî û rêxistinan dîyar kerd ke nê hêrişî cuya sîvîlan tehdît kenê û ewleyî û aramîya herême xeripnenê.
39 partî û rêxistinanê sîyasî yê Sûrîye bi eşkerayîyêka hembeşe daye û hêrişê çeteyanê hukmatê demkî yê Şamî ke taxanê Şêxmeqsud, Eşrefîye û Benî Zêd ê Helebî ser o dewam kenê, şermezar kerdê.
Eşkerayî de rêxistinan bale ant hêrişanê hovane ê ke hetê hêzanê hukmatê demkî ra vera nê taxan, şuxulnayîşê çekanê giran ser o û da zanayene ke nê hêrişî qanûnanê merdimî binpay kenê.
Partîyanê sîyasî eşkerayî de dîyar kerd ke nê hêrişî bi fermanê rasterast ê dewleta tirke yenê kerdene û amancê înan o yo ke peymananê 10ê adara 2025 û 1ê nîsana 2025î û aramîya welatî bixeripnê. Bi taybetî dimayê qirkerdişanê herêmanê qeraxî yê Sûrîye û Siwêda ameyê kerdene.
Peynî de partî û hêzê sîyasî hêrişanê taxanê Şêxmeqsud, Eşrefîye û Benî Zêd şermezar kedê û vengda şarê kurd û heme welatperwer û demokratanê Sûrîye ke nê sucan şermezar bikerê.
Sewbîna vengda komelê mîyanneteweyî û Dewletanê Yewbîyaye yê Amerîkayî ke tedaya hukmatê demkî bikerê û înan bêçare verdê ke bilez hêrişanê xo vindarnê.
