Ame zanayene ke siba grûbêka esîran ya newe ke destê hukmatê demkî yê Sûrîye de ya, do bêra veradayene. Ame eşkerakerdene ke grûba hîrêyine 300 kesan ra yena pê.
Çarçewaya Peymana 29ê Çele de bedilnayîşê girewteyan dewam keno. Goreyê xebera ANHA’yî dimayê pêvînayîş û cehdanê mabênê hetan de siba qonaxêko newe yê serbestveradayîşê esîran dest pêkeno. Na grûba ke yeno zanayene ke 300 kesan ra yena pê, sey grûba tewr pîl a ke heta nika ameya veradayene.
Ney ra ver di grûbî ameybî veradayene
Seke yeno zanayene ney ra ver di grûbê girewteyanê sîyasî ameybî veradayene. Qonaxê destpêkî de hûmarêka esîran ameybî veradayene ke zafaneyê înan cinî, extîyar, pîr û kesê nêweş bîyê. Dimayê qonaxê yewine grûbêka bîne ya esîran serbest ameybî veradayene. Yeno zanayene ke veradayîşê na grûba hîrêyin a ke 300 kesan ra yena pê, hûmara kesanê ke ameyê veradayene, înan ra zafêr biba.
