Şarê Suryan dîyar kerd ke ê bi azadîya fîzîkî ya Rayberê PKK’yî Abdullah Ocalanî wazenê û vat amancê ey seba heme şaranê Rojhelatê Mîyanên perspektîf ê.
Suryanê ke şaristanê Tirbespîyî ra yê dîyar kerd ke înîsîyatîfêko Rayberê PKK’yî Abdullah Ocalan dayo destpêkerdene seba heme şaran do bibo rayîrê aştî.
Welatijo bi nameyê Îsa Denho dîyar kerd ke Abdullah Ocalan eşkeno Rojhelato Mîyanênî rê aştî bîyaro û vat: “Raybertî wayîrê hêzêko winasîn o ke eşkeno heme probleman çareser bikero. No pêvînayîşanê peyênan de ke ey reyde ameye kerdene, dîyar beno.”
Îsa bale ant sîstemê îşkenceyo ke Abdullah Ocalanî ser o yo û vat: “No 26 serrî yo Raybertî zindanê Îmrali de yo. Ganî Rayber Abdullah Ocalan vejîyo û dewleta tirke rayîrê aştî akera û bi înîsîyatîfê Abdullah Ocalanî reyde biba.”
Îsa tewr peyên wina vat: “Şarê Suryan zî bi destê dewleta tirke rastê xeylê qirkerdişan ameyo. Ganî heqê heme pêameyan û şarê herême bêrê pawitene.”
Cêsî Denho zî vat: “Heqê Rayber Abdullah Ocalanî yo ke ewro mîyanê şarê xo de bibo.”
Cêsî Denho dîyar kerd ke ê sey şarê Suryan azadîya fîzîkî ya Rayber Ocalanî wazenê û vat: Kurd û Suryanî tarixî de bi destê dewleta tirke rastê qirkerdişan ameyê. O semedî ra heqê înan o ke ewro bi hewayêko azad biciwîyê.”
