Zeynep Kiliç ke kulturê Kirmancîye ser o Şaredarîya Dêrsim de xebetîyayêne bi destê qeyûmî kar ra ameybî vetene. Xeylê wextî yo ke domanan ana ju ca, vatişê kilam û domir cinitene înan mûsnena. Roja tengîye kirmanckî ser cayê zonê ma bîyo teng û wina va: “Zonê ma kilîtê koyî yo’.”
Zeynep Kiliça ke 4 serrî yo Şaredarîya Dersîm de Ziwanê Kirmanckî de koroyê domanan, tîyatro û kayê domanan, kultur ser o kar kerdêne bi destê qeyûmî kar ra amebî vetene. Xeyle wextî yo ke, ûnca domanî ra zonê kirmanckî de domir mûsnena, kilam mûsnena. 21ê Sibate Roja Ziwanê Dayîke ya Dinya ser o ajansê ma rê qisey kerd.
‘Zonê ma tengîyeder a’
Zeynep Kiliç dîyar kena ke tengîya ziwanê înan rê giran yeno û wina vana: “Ma wazenîme ke no zon vînî nêbo. Doman re domir ser, kilam ser qûrs don. Yeme peser, koro virazeme. Doman zonê xo binûse, zone xo de kilam vaze, domir bi cîne. Bene Hûnermen. Ma some, înû ma dimra yene.”
‘Zone ma kilîtê koyî yo’
Zeynep Kiliç peynîya qiseykerdîşê xo de wina vana: “Qomê ma, hardê xo rê, zonê xo rê, kulturê xo rê, kamîya xo rê wayîr vejîyo. Vanê ke no zon tengîyeder o. Ma zafîk xo vîrra kerdo. Çixa bese keme doman rê zon binûsnîme. Her ca de zonê xo qisey bikerîme. Poşt bîderîme jûmîn, zere de tever de, sûke de zon qisey bikerîme.”
