Îttîfaqê Hêzanê Sîyasî yê Rojhêlatê Kurdîstanî yê Îranî cewab da hêriş û tehdîdanê lajê şahî yê Îranî Reza Pehlewî. Cewab de ame dîyar kerdene ke peymana înan do heme heqanê newteweyê kurdî, têkoşer û azadîwazanê Îranî bipawo.
22ê Sibate de Îttîfaqê 5 partîyanê sîyasî yê Rojhelatê Kurdîstanî ra Partîya Cuya Azade yê Kurdîstanî (PJAK), Partîya Azadî ya Kurdîstanî (PAK), Partîya Demokratîk ê Kurdîstanê Îranî (PDK-Î), Sazmanî Xebatê yê Kurdîstanî yê Îran (XEBAT), Komeleya Zehmetkêşan yê Kurdîstanî (KOMELA) pê yenê, yewîya sîyasî û programêko hempar yê karê ameyoxî yê seba Îranî awan kerd.
Îttîfaqê Hêzanê Sîyasî yê Kurdîstanê Îranî derheqê eşkerayîya hemverê lajê şahê verî yê Îranî Şah Îsmaîl Reza Pewlewî eşkerayîyek pare kerde.
Îttîfaqî eşkerayîya xo de dîyar kerd ke “Badê eşkerayîya ‘Îttîfaqê Hêzanê Sîyasî yê Kurdîstanê Îranî’ pêlê şayî û çoşê şorişgerî mîyanê şarê kurdî, neteweyê bindestî û azadîwazê Îranî de berz bî û wina vat: “Rejîmê Îranî grûbêk hemverê heqanê netewayanê bindestan û azadîwazê ke xo binê kincanê muxalefetî de niminenê reaksîyon mojna.”
‘Rastîya tarîxe xo vîr ra kerda’
Îttîfaqê Rojhelatê Kurdîstanî dewamê eşkerayî de de vat ke vizerî Reza Pelewî bi weşanayîşê eşkerayîya serê medya dijîtal Xî ziwanêko hêrişkar û tometê bê bingeyî ro neteweya girde yê kurdî û partîyanê sîyasî yê Kurdîstanî kerd û wina vat: “Do badê rijyayîşê rejîmê Îranî artêşe têkoşîna azadîwaze yê şarê kurdî û Kurdîstanî bifetisno. Reza pewlewî rastîya tarîxî xo vîr ra kerdo ke pî û kalê ey senî Ararato Qij, Bahreyn û çimeyê çemê Hirmend de didilî nêkerde û rotî. Bi rastî tena cayê pî û kalê ey warê qirkerdişê welatijanê sivîlî û vernîgirewtişê demokrasî û azadîwazanê şarê Îranî bîyo.”
‘Muhafezekarî her wext binkewenê’
Eşkerayî de ame vatene ke Reza Pehlewî rastîyê tarîxî xo vîr ra kerdê û wina dewam kerd: “Her gama ke îradeyêk rastîye sebo parçekerdişê Îranî estbî, kesî destûr pî û kale ey ra yê tacgirewte nêgirewt û tozê înan nêant.
‘Ferqê Pehlewî û rejîmê zordarî çin o’
Îttîfaqî da zanayene ke vera waştenê sîyasî yê neteweyan, bikarardişê artêşe rast nîyo û wina vat: “Tu ferqêke bingeyin mabênê rejîmê zordarî yê Îranî yê verênî û nikayinî de çin o. Çi rê ey fikirênê ke rejîmî bivurnê, dîktatorîya Komara Îslamî ro şarî zulim kerdo, do amade bê ke alternatîfêk seba ameyoxê Îranî virazê. Ey seserra vîyarte de qet Kurdîstan ra dûrî nêbîyê. Ti mekanîzmayêke zulm û zordarî çin a ke Kurdîstan de nêameya cerebnayîşî û binnêkewta.
‘Rojanê înkarî yê Pehlewî nîno vîr ra kerdene ’
Îttîfaqî bale ante serê helwestê Pehlewî yê vera waştenê şarî û wina vat: “Pehlewî rolê ey nîno înkarkerdene, parçekerdişê têgêrayîşê Cinîyan (Jin Jiyan Azadî) de kaykerdo. Sewbîna her kes zano Pehlewî bi hetkarîyê grûbanê bişik yê dorê xo, afirnayîşê dibendî yê mabênê şarî û muxalefetê rejîmî de kaykerdo. Dost û neyarî zanê ke neteweya kurdî û partîyê sîyasî yê têkoşerî, pêroyî cuya zordar ê komara îslamî de, her tim vera zulmê Humeynî bîyê û her tim paştîdayena rastîye yê azadîwazanê neteweyanê Îranî bîyê.
‘Do mesajê neyarî nêresê netîce’
îttîfaqe Hêzanê Sîyasî yê Kurdîstanî yê Îranî, şermazarkerdişê eşkerayîya Reza Pehlewî ser o helwestê xo yê bingeyin û derheqê babete de nê çîyî vatî: “Do nê mesajê neyarîye peynî de nêresê tu amancêke. Eksê ci do îradeyê neteweyanê azadîwaz û têkoşeranê îranî yê seba destkewtişê şarî xurtêr bikero. Ma reyna vengdayîşê heme hêzanê kurdî yê ke azadî wazenê, heq û neteweya xo pawenê kenê ke tewrê Îttîfaqê Hêzanê Sîyasî yê Kurdîstanî yê Îranî bibê.”
