Demêko de ke selahîyetdarê Îranî îdia kenê ke cezaya dardekerdişî nêdanê xoverdayoxan, Mehkemaya Tehranî ciwanêko 19 serrî ke beşdarê xoverdayîşan bîyo, mahkumê cezaya dardekerdişî kerd.
Goreyê çimeyanê herêmkîyan Beşa 15. ya Mehkemaya Şorişî ya Tahranî ke binê serekîya Hakîm Salvatî de ya, Mihemed Emîn Biglerî (19) rê cezaya îdamî da.
Badê îtîrazî dosyaya Biglerî seba reynanirxnayîşî şawîya Mehkemaya Berze ya Îranî.
Ame zanayene ke hêzanê Artêşa Muhafizan îfadeyê Biglerî bi îşkence girewto.
Hakîm Salvatî hukmê Îranî de bi cezayanê giranan ke tepîşteyanê sîyasîyan rê dano, nas beno. Nameyê Salvatî listeya cezayanê Amerîka de zî est o.
