Verfekê Karê Teberî yê Waşîngtonî ard ziwan ke polîtîkaya înan a SDG’yî nêvûrîya û hêzê ke Tirkîya ra piştî gênê û hêrişê Kurdan kenê, ma ê îqaz kerdê.
Hêzê netewî yê Sûrîye (SMO) ke Tirkîya ra piştî gêno, Tel Rifatî ra dima hêrîşê Minbîçî û Hêzê Demokratîk ê Sûrîye (SDG) kerd. Verfekê Karê Teberî yê ABD’yî Mathew Millerî va: “SDG, şirîkêdê ABD’yî yo muhîm o. Polîtîkaya ma ya SDG’yî de çîyêk nêvûrîyo.”
Yew rojnamegerî persa “Şima Tirkîya ra va grûbê ke şima piştî danê cî ê gruban bivindarnê yan ney? Şima nê hêl de tawa gamî eştî yan ney?” Millerî ciwabê na perse nîya da: “Teyna Tirkîya ney, hereme de çend dewletanê bînan de ma na mesele pare kerde. Ma nê dewletan ra eşkera vat ke ma endî nêvazenîme tengijîyayîş zêde bo.”
Verfekê ABD’yî seba şero ke Minbîç de dewam keno seba ey zî vat ke: Ma nêwazenîme kes nê wextê nîyanênî de bêîstîkrarî ra fayde bigîro. cayê xo avêr bero. Ma naye çiqas hêlê est ê pêrûne ra eşkera vanîme.”
Ma bi şiklêk HTŞ’yî reyde têkildar ê
Persa ke seba teklîyê ABD û HTŞ’yî ameye persayene seba a perse zî Millerî nîya vat: “Ma bi şiklêk HTŞ’yî reyde tekildar ê. Çend rojî yo teklîyê ma û HTŞ’yî est ê. Ha zereyê Sûrîye de ha teberê Sûrîye de raya teklîyan viraştîşî zaf ê, ma nê teklîyan domnanê. Ma nê teklîyan de çinayî ser o vindenîme ez derheqê naye de nêeşkêna çîyêk vajî.”
