Agirê Jîyan do 7 serrî ra pey Dusseldorfî de konserê xo yê ewilîn bido.
Agirê Jîyan grûbêka namdare ya muzîkê Kurdkî ya û wayîrê xeylê deyîranê hîtan a. Grûbe serra 2018î de mabênêko bêveng da. Goreyê xebera ANF’yî; endamê grûba Agirê Jîyan reyna Almanya de ameyê têhet. Çend aşmîyo ke seba konserî amadekarî kenê. Art Recordsî seba Agirê Jîyan konserêk amade kerdo. Konser do 6ê êlule roja Şeme şaristanê Dusseldorfî de saete 20:00î de dest pêbikero. Cayê konserî zî Capitol Theater Düsseldorf o.
Roja Şeme seba Agirê Jîyan û heskerdoxanê înan rojêka tarîxî ya. Grûbe 7 serrî ra pey reya ewilîn o ke konserêk dana. Agirê Jîyan vano: “Bêrê ma deyîranê xo pîya vajê. Deyîrî ke wayîrê vîrameyîş, tarîx û nostaljîyî yê.”
Hunermendê ke do sehne bigîrê
Hunermendê ke do siba sehne bigîrê wina yê:
Solîst: Alî Geçîmlî
Solîst & Gîtar: Şener Yildi
Solîst: Eylem Aktaş
Vokal: Asli Zelal
Klavye & Orkestra Chef: Amed Taba
Keman: Nûrê Dilovanî
FlÛt & Saksafon: Dilvan Ronî
Mey & Zirne & Tulum: Emrah Oguzturk
Saz: Bulent Yildirim
Dahol: Mûrat Vural
E-Gîtar: Bariş Boyraz
Grûbe 4 albumî vetê
Grûba Agirê Jîyan heta nika 4 albumê bi nameyê “Adarê (Adara 1996)” , “Helîn (1999)”, “De Were (2006)” û “Aştî (2014)” vetê.
