TJA, DBP û DEM Partî, derheqê vengdayîşê “Aştî û Komelê Demokratîk” yê Rayberê Şarê Kurdî Abdullah Ocalanî de Amed de kombîyayîşê şarî organîze kerd.
Têgêrayîşê Cinîyanê Azadan (TJA), Partîya Têduştî û Demokrasî (DEM Partî) û Partîya Herêmanê Demokratîke (DBP) derheqê vengdayîşê “Aştî û Komelê Demokratîk” yê Rayberê Şarê Kurdî Abdullah Ocalanî ser o Amed de kombîyayîşê şarî organîze kerd. Temsîlkarê TJA, DBP û DEM Partî Amed de kombîyayîşê şarî eywana Çand Amedî de organîze kerd.
Endam û îdarekarê her do partiyan û sazgehê sivîlî û xeylêk kesî tewrê kombîyayîşî bîyî. Kombîyayîş semedê kesê ke têkoşînê azadî û demokrasî de dinyaya xo bedelnayî, bi deqîqeyêk rêzgirewtişî dest pêkerdî. Kombîyayîş de vengdayîşê tarîxî yê Rayberê Şarê Kurdî Abdullah Ocalanî ser o ercnayîş ame kerdiş û prosesî ser fikrê şarî ame goşdarîkerdiş. Şar zî prosesî ser o persê xo kerdî û fikrê xo ardî ziwan. Badê kombîyayîş çapemenî rê padaye ame dewamkerdiş.
