Amed de nano 400 gram, zemê neweyî reyde bî 20 TL. Na serre de no zemê hîrêyin o ke yeno nanî ser.
Amed de nanê Dîyarbekirî reyna bî vêşî. Nano 400 gram ke verê cû bi 18 TL ameyêne rotene, nika 20 TL yeno rotiş. Seke nê rojanê peyênan de mesrefî berz bîyê, fîyatê nanî rê zî emser na reya hîrêyin a ke zem yeno ser.
Verê cû serra newîye de bi zemê yewinî nano ke 12 TL bi bîbi 15 TL. Dima aşma gulane de bi zemê dîyinî bîbi 18 TL.
Serekê Odaya Esnaf û Zanetkaran ê Amedî Alîcan Ebedînogluyî qerarê zemî tesdîq kerd û va ke rotişê fiyetê neweyî ewro ra dest pêkerdo. Simît û pogaçe bi 15 TL.
Zemî ra pey fîyetê nanî wina yo:
* Nanê Amedî û patîle (400 gr): 20 TL
* Nanê somun û tewirê ey (200 gr): 10 TL
* Nanê rûnin û tewirê ey (180 gr): 25 TL
* Simît, çorek û pogaça (90 gr): 12 TL
* Nanê tost û yê hamburgerî (100 gr): 5 TL
* Mesrefê pewtişê lahmacunî (0.70 gr): 10 TL
* Mesrefê pewtişê nanê keyeyî (1 hebe): 7 TL
