Şaredarîya Şaristanê Girdî ya Amedî, 300 hezar metrekare ser o projeyê Naturapark virazeno ke do şaristanî rê bido qadêko keskayî, newe û muhîm.
Şaredarîya Şaristanê Girdî ya Amedî, 300 hezar metrekare ser o projeyê Naturapark virazeno. Na park zî qezaya Peyasî de mabênê Bulwarê Prof. Dr. Necmettîn Erbekanî û Bulwarê Firatî de (Hemverê Stadyumê Amedî) do bêro viraştene, hetê Serekîya Daîreyê Park û Baxçeyan ra seba şaristanêko hîn kesk û estetîk demêko nêzdî de xebatî dest pêkenê.
Xebatê ke do bêrê viraştene wina yê;
* Darê nikayênî do bêrê pawitene û nebatê neweyî do bêrê ronayene
* Rayîrê bisîklet û rayîrşîyayîşî, cayê fîtnessî
* Cayê kayî yê bêasteng û parkurê survîvorî seba gedeyan
* Cayê roniştişî û aktîvîteyan, WC, mescît û aksê gêrayîşî
* Bi golekê bîyolojîkan teserûfê enerjî do bêro temînkerdene
