Kesanê ke erdlerzê 6ê Guciga 2023yî de weşîya xo dest dabî saete 4.17ê şewe de verê Apartmanê Sozelî yê semtê Ofîsî yê qezaya Şaristanê Neweyî de ameyî vîrardene.
Serrgêra erdlerzê girsî ê 6ê Guciga 2023yan de Apartmanê Sozelî yê semtê Ofîsî weşanîyabî û bi desan kesî weşîya xo dest dabî. Seba kesanê ke weşîya xo dest dabî merasîmêka vîrardene ameyê viraştene.
Parlamenterê DEM Partîyê yê Amedî Adalet Kaya û Halîde Turkoglu, parlamenterê CHP’î yê Amedî Sezgîn Tanrikulu, hemşaredarê Şaredarîya Şaristanê Girdî ê Amedî, hemşaredarê qezayan, endam û rayraberê, temsîlkarê sazîyanê sivîlan û xeylî kes terba vîrardene bî.
Verê destpêkerdena merasîmî kesê ke beştar bîyê serê şûna Apartmanê Sozelî yo ke erdlerz de weşanîyabî mûmî tavîstî û qaranfîlî ronayî. Dim ronayena qaranfîlan, saete 04:17ê şewe de seba kesanê ke weşîya xo dest dabî deqîqeyêk rêz ame girewtene.
