Ajansê Xeberan ê Hawarî (ANHA) û Rojnewsî dîyar kerd ke ê do servîsanê xo yê tirkî padê û giranîya xo bidê ziwananê herême.
Rojnews û ANHA’yî dîyar kerd ke ê padê û giranîya xo bidê ziwananê ke herême de yenê qiseykerdene û da zanayene ke do servîsanê xo yê tirkî padê. Rojnews û ANHA ke bi serran o servîsê înan ê tirkî wendoxanê xo rê xeberan amade kenê, seba paştî sipasîya wendoxanê xo kerd. Her di ajansan dîyar kerd ke ê do 30ê êlula 2025î de servîsanê xo yê tirkî padê.
‘Do giranîya xo bidê ziwananê herême’
Rojnewsî hedîseyê Başûr, Iraq, Îran û Rojhelatê Mîyanênî bi lehçeyanê kurmancî, soranî yê Kurdkî, tirkî, erebî Herêma Federa ya Iraqî; ANHA’yî zî hedîseyê Vakur û Rojhelatê Sûrîye, Sûrîye û Rojhelatê Mîyanên bi ziwananê Kurdkî, Erebî, Tirkî, Îngîlîzkî, Spankî û Rûskî Vakur û Rojhelatê Sûrîye de weşanê xo domnenê. Her di ajansî zî seba eleqeya wendoxanê xo yê servîsê tirkî sipasî kerd. Yeno texmînkerdene ke no qerar seba şuxulnayîşê ziwananê ke herême de yenê qiseykerdene, hîna zaf teşwîq bikero û vernîya otoasîmîlasyonî bigîro.
